衝上雲霄II

衝上雲霄II只是播了三集，各方好友已在臉書不停留言談論。

 

有朋友經歷了一個小時被老婆冷落及十問九唔應後，決定係自己塊面篤番個同張智霖一樣嘅酒粒。肥仔話好正常吖，我睇電視劇咪一樣眼尾都唔望佢一眼。

 

有朋友個仔叫奕琛，佢話都係因為亞Sam所以改呢個名，唔知大個咗會唔會做飛機師同埋好似吳鎮宇咁型呢?亦有好多師奶朋友大讚張智霖有幾靓仔，連講句英文都好聽啲。咁梗係啦，話哂係外國浸過咸水，係唔同啲嘅。

 

不過我本人比較喜歡張智霖係劇入面講嘅金句，好似琴晚咁，呢句都唔錯:「一嚿朱古力味嘅屎，同一嚿屎味嘅朱古力，點揀呀？兩個都係半桶水，夾埋啱啱一桶。」