嗰日我同肥仔行吉之島，吖唔係，應該叫AEON(永旺)先啱。不過叫咗吉之島咁多年，真係好難一時間改到口…
入返正題先，話說有一晚我同肥仔睇夜宵磨既時候，越睇就越肚餓，差啲要落街買嘢食。避免日後再有類似情況發生，我哋決定買定啲急凍食物，方便第時三更半夜肚餓既時候都可以有得食。就喺我哋睇緊買邊隻韓國餃子試既時候，嘩，竟然俾我哋見到佢!!!!王將餃子!!!
我哋即刻買咗四款/盒來試。今次要介紹既係呢盒。
1. 首先用大火燒熱平底鑊，然後加入2湯匙油，見到油冒煙就可以加入餃子。(記住唔好將啲餃子反面住!)
2. 跟住按包裝紙上指引加蓋用中火煮4分半鐘。
3. 開蓋後，轉大一點火反一反面再煎至金香便可。
呢個餃子真係好好味架，快啲買嚟試下啦!
沒有留言:
張貼留言