王將饅頭

上次提到係永旺買咗四款王將出品，昨晚因為遲了收工及掛住睇電視的緣故，買唔切餸，所以又係時候出動王將系列。今次吃的是這個 -----王將饅頭。

 

做法跟上次做餃子的一模一樣。首先用大火燒熱平底鑊，然後加入2湯匙油，見到油冒煙就可以加入饅頭。跟住按包裝紙上指引加100毫升水後加蓋用中火煮4分半鐘。開蓋後，轉大一點火反一反面再煎至金香便可。今次有啲失手，個饅頭”林”咗少少，但都仲係好好味，值得一試!

 

台北眼鏡咖啡店

眼鏡咖啡店位於敦南誠品附近，從捷運大安站步行大約需要10分鐘，若從忠孝敦化站6號出口步行則約15分鐘。眼鏡座落於一條小巷子中，旁邊有一個公園。沉重的木門後面只有約20個座位，全都是兩人座位只有一桌四人座，開放式厨房，旁邊有一個小小的角落販買一些設計品，由傢俱到餐具全都是以木材為主，讓人感覺很日式。

 

這裡可以吃的東西不多，飽肚的有飯糰套餐，我當然要一份。但肥仔最喜歡的卻是這裡的鬆餅，有原味和綠茶味可供選擇。看著厚厚的鬆餅上疊著一層層的香蕉片，還要沾上很多的朱古力焦糖醬，再加上鮮奶油搭配來吃，難怪肥仔會愛上它! 舒適的環境加上美味的食物，我相信你們也會愛上這裡。

 

INFO
眼鏡
地址：台北市四維路52巷6號(德安公園旁)
電話：+886-0227084686
營業時間：12:00 ~ 22:00
定休日︱每月末的週三
網址：http://coffeemegane.com/

隱世咖啡店 - Common Ground

(店外是這個樣子，因為我沒有影，所以圖片是從openrice.com 那裡copy來的)

(Salted chocolate)

星期六下午我同肥仔無所事事在中環SOHO區漫步，竟然無意間俾我哋見到一間小咖啡店 – Common Ground。其實嗰度真係唔多人經過，附近沒有商店，得一條永利街，之前都仲有一啲龍友係度影下相，而家已經人影都唔多隻。只不過我哋係呢區長大，中學時期成日係堅巷、光漢台一帶遊走，所以先俾我咃係城皇街發現到呢間小咖啡店。

 

Common Ground給我的第一個印象就好似台灣的眼鏡咖啡店(遲下再介紹)。Common Ground主打咖啡，但也有一個角落展示時尚服飾及首飾精品(好似好stylist款的)。不過，因為我同肥仔都唔＂好＂咖啡的，所有本來我們無打算入去，只是在店外觀賞飾物。然後我們聞到陣陣的薑味，那薑的香味很濃郁，忍不住要入去點一杯薑的飲品。店內座位不多，應該只能容納20人左右，但很闊落，全店的傢俱都使用木質素材，令人感覺好舒服。我們選了一張在開放式厨房前的枱坐下，我望著牆上的黑板MENU，其實可以選擇的款式不是很多(因為大部分是咖啡類)，但我找來找去卻找不到薑類飲品，査問其中一名男生(我相信這名男生看來是店主之一)之下才發現原來那香味是lemongrass，另外一個男生告訴我們這個lemongrass water是他細佬在泰國學的! 噢，原來如此，我們說要一杯吧，那男生告訴我們要多等30分鐘才行，我們說可以呵，反正沒事幹等等也無妨。在這個等待的時候，我點了一杯salted chocolate，這個Salted chocolate不太甜，而且有幽幽的鹽咸味，挺特別的。就這樣我們說說笑笑過了一個愉快的下午。

INFO
Common Ground
地址：中環城皇街19號地下
電話：2818-8318
營業時間：星期一至日11:00-20:00

 

淮山響螺湯

星期日有多啲時間，最好緊係煲下湯。肥仔向來鍾情響螺湯，而這個湯唔需要太多材料已經好甜。急凍響螺頭我咃係APITA 買的，四百幾蚊有成十三四個頭，可以煲到六、七次，都算OK啦。今次用的是 Round French Oven 24cm。

材料：(四人份量)

 

急凍響螺頭     2個

豬展     14兩

淮山     4-5片

杞子及龍眼肉. 各十數粒

生薑     2-3片

 

1.     急凍響螺頭預早一天從冰格放到冰箱下層來解凍。

2.     響螺頭去腸洗淨，用薑蔥出水，然後切片備用。

3.     豬展出水。

4.     淮山、杞子、龍眼肉洗淨，加10碗水入煲中，待水滾後放入全部材料，煲2個小時，熄火焗半個鐘，最後加鹽調味便可。

 

 

出水步驟

煲一鍋水(如替響螺頭出水，此時應加入薑及蔥)，水滾後下響螺頭或豬展，約1-2分鐘待響螺頭或豬展滾出白色脂肪後，便可倒出用水沖一沖備用。

LC無水蒸魚

琴晚想食魚，行街市見到啲紅衫魚又平又靚，問肥仔佢話蒸紅衫魚都OK，所以我決定繼LC無水蒸雞之後又一無水蒸產品------- LC無水蒸魚。這個LC無水蒸魚做法其實跟蒸雞很相似，但因為魚本身不似雞那般有油又有水，所以我將啲薑同蔥沾少少水，等個LC鍋內有濕氣。今次都係用22cm Buffet。

 

材料：(二人份量)
紅衫魚一條     (約半斤左右)
鹽     適量
薑     4-5片 (切絲) + 2片
蔥     2條 (切段)

1. 魚洗淨，用廚房紙抹乾。
2. 將鹽抹在魚肚內加兩片薑，醃5-10分鐘。

3. 將一半的薑絲及蔥段平放在鍋底，將魚放在上面。 大火蒸3分鐘，小火蒸5分鐘，熄火焗5分鐘。
4. 魚眼突出成白球狀時表示魚已蒸熟或者用筷子一隻(亦可用長牙籤)插入魚身最厚肉的部位，如能順利直插到底便OK了。

5. 最後加入豉油，灑上剩下的薑絲及蔥段便可

LC蒜蓉大蝦煲仔飯

這個蒜蓉大蝦煲仔飯好正架，可以將大蝦的精華完全滲入啲飯裹面。尚算易整，只是控制煮米需要多一點功夫。大家都可以試下啦!

材料：（二人份量）

大蝦        6隻

米    1杯

水     1.2杯 (米和水的比例是1:1.2)

蔥(切粒)     少許

 

調味：

蒜   2-3瓣 (切碎粒)

鹽   ½ 茶匙

酒    1 茶匙

胡椒粉  ¼ 茶匙

油   少許

 

 

製法：

1. 蝦洗淨去腸，加入調味料醃10分鐘備用。

2. 米洗淨放入 LC 鍋，用中火煮2分鐘至米水滾，期間不時用木匙攪拌以免黏底。

3. 以小火煮大約6-8分鐘至見魚眼水。

4. 大蝦鋪面，將火轉大約半分鐘，再轉小火煮5分鐘，熄火焗10分鐘。

5. 最後加入豉油及灑上蔥粒便可。

糖醋排骨

很多人煮糖醋排骨都會用一個叫12345的食譜，我未試過，不過我用開的這個也不難，而且從未失過手，連肥仔都話OK架，大家都試下啦。

 

材料：(二人份量)

小排骨 半斤 (用腩排或一字排也可)

薑 4片

蔥 2條 (切段)

蒜 2瓣

 

調味:

生抽 2湯匙

鎮江醋 2湯匙

米酒 1湯匙

冰糖 1湯匙

 

1.     小排骨洗淨，用廚房紙抹乾。[記住一定要抹乾，否則啲小排骨好難煎香。]

2.     燒滾油(油不用蓋過排骨)後下小排骨煎香兩邊至金黃，每邊大約煎3分鐘。

3.     撈起小排骨，把油倒掉至剩下一點點。同鍋炒香薑、蔥同蒜，再下小排骨。

4.     加入一碗水，再加入其他調味料，加蓋轉中小火煮30-45分鐘。如果用LC鍋，中小火煮20分鐘，熄火焗10分鐘。

5.     開蓋後，轉大火至汁收，最後灑上蔥段便可。

王將餃子(懶人版)

嗰日我同肥仔行吉之島，吖唔係，應該叫AEON(永旺)先啱。不過叫咗吉之島咁多年，真係好難一時間改到口…

入返正題先，話說有一晚我同肥仔睇夜宵磨既時候，越睇就越肚餓，差啲要落街買嘢食。避免日後再有類似情況發生，我哋決定買定啲急凍食物，方便第時三更半夜肚餓既時候都可以有得食。就喺我哋睇緊買邊隻韓國餃子試既時候，嘩，竟然俾我哋見到佢!!!!王將餃子!!!

 

我哋即刻買咗四款/盒來試。今次要介紹既係呢盒。

 

1.     首先用大火燒熱平底鑊，然後加入2湯匙油，見到油冒煙就可以加入餃子。(記住唔好將啲餃子反面住!)

2.     跟住按包裝紙上指引加蓋用中火煮4分半鐘。

3.     開蓋後，轉大一點火反一反面再煎至金香便可。

 

呢個餃子真係好好味架，快啲買嚟試下啦!

 

LC無水蒸雞

(影得有少少濛)

這個無水蒸雞我相信是所有LC迷都試過的菜式，因為既簡單又易做，兼且做出來的雞又很滑。

 

這個無水蒸雞之所以不用加水，是因為雞本身有油又有水，加上LC出名鎖水勁，所以真的一滴水也不用加!

原食譜參考自OL醉愛廚房，但因為我們家只有兩個人，所以我只用了半隻雞。LC方面則用了22cm Buffet。

材料：(二人份量)
冰鮮雞 半隻   (斬件)
薑 6-8片 (切細絲)
鹽 適量

蔥段 適量

1. 雞洗淨，用廚房紙抹乾。

2. 每件雞都均勻地擦上鹽，醃15-30分鐘。
3. 將薑絲平放在鍋底，將雞件鋪在上面。大火蒸3分鐘，轉小火蒸7分鐘，熄火焗5分鐘。

4. 最後灑上蔥段便可。

Coquilles Saint-Jacques

 

這是一個既簡單又得體的經典法國菜式，最適合用來招呼朋友。

芥花籽油    2湯匙

帶子 800g

紅蔥頭(Shallots)       1個(切碎)

百里香(thyme) 1/2茶匙

白酒(dry white wine)     125ml / 1/2杯

番茜(Parsley)    1湯匙(切碎)

牛油 4湯匙  

1.  帶子解凍清洗乾淨，用廚房紙輕按抺乾。
2.  大火燒熱平底鑊，加1湯匙芥花籽油，燒香熱油至冒煙才加入帶子。
3.  帶子煎的時間就視乎個人喜好和帶子的大小，每面大約煎2-3分鐘。煎的中途不要反面，要煎好一面才反。反另一面再煎時，同樣是2-3分鐘至金黃色。(當帶子呈白色就代表熟，如不想吃太熟就煎到半白便可)
4. 帶子移出瀝乾，每隻每面均勻灑上少許鹽及黑椒。
5. 用廚房紙拭乾平底鑊上的多餘油漬，趁平底鑊還熱用1湯匙芥花籽油炒香紅蔥頭及百里香。
6. 一邊攪拌一邊加入白酒，迅速拌合，煮至剩下2湯匙白酒時便倒入牛油拌勻。離火後用少許鹽及黑椒作調味。
7. 帶子淋上白酒汁，灑上番荽碎即成。


是不是很簡單呢? 快來試試吧!

 

香蒜龍葵菇寬麵條 Fettuccine with portobello and garlic (附食譜)

材 料

闊麵條  150g

龍葵菇  3隻

蒜片   1湯匙

紅蔥頭2粒, 去皮, 切片

 

1.     龍葵菇用廚房紙抺淨，去蒂，切條備用。

2.     闊麵條放入大滾水內，加1平湯匙鹽，按包裝紙上指引煮 8-10 分鐘至熟，瀝乾備用。

3.     燒紅鑊下足夠油，爆香蒜片紅蔥頭，加入龍葵菇同炒。

4.     最後加入麵條同炒，加入蒜鹽及少許鹽調味即可。

簡單晚餐 - 鹹蛋節瓜湯 + 菜脯煎蛋 + 炒豬肉片 (附食譜)

鹹蛋節瓜湯

材 料

節瓜 　 2個

豬肉 　適量

鹹蛋 　一隻

 

1.     節瓜洗淨切片。

2.     豬肉切片，用鹽、生粉醃10分鐘。

3.     先煲豬肉片和節瓜。

4. 大概半小時便放入鹹蛋，用筷子打成蛋花即成。一點鹽也不用放。

菜脯煎蛋 

材 料

雞蛋  2隻

甜菜脯  3條（切小粒）

 

1.     蛋先拌勻，加少許鹽。

2.     以油爆香菜脯粒，盛起放入蛋內一同拌勻。

3.     燒熱鑊，加油，油滾後，將蛋漿放入。用鑊鏟在鑊中央將蛋漿推成一個大圓圈。加點油在鑊邊，以免底。

4.     當蛋成了一個圓形薄餅的樣子，將它反轉煎另一面，直至金黃色便可。

炒豬肉片

材 料

豬肉 　適量

1. 豬肉切片，用生抽、老抽、糖、麻油、生粉醃10分鐘。
2. 燒紅鑊下油，加入豬肉片炒至金黃色便可。

八九六四

但願香港在往後的日子仍能這樣悼念六四，
用燭光去悼念24年前為追求民主而犧牲的亡靈。

今晚維園見。